El viejo y el mar

Hemingway narrou nesta novela breve a loita dun vello cun peixe. A forza e dozura da súa prosa supuxo un paso para o Premio Nobel que acadou pocos anos despois da publicación desta obra.

O xiro postal

Un feito anecdótico -a recepción dun xiro postal- serve para amosar un retrato pleno da sociedade nos barrios máis pobres dunha cidade. A corrupción entre os funcionarios, as apariencias que ocultan a miseria, as relacións interpersonais...

Unha obra interesante que ben puido formar parte da selección "Outras culturas".

Chesil Beach

Na Inglaterra dos anos 60 unha parella pasa a noite de vodas nun hotel xunto a Chesil Beach. A relación, que parecía perfecta durante o noviazgo, tambaléase.

Podes ler a crítica que Eduardo Mendoza publicou sobre esta novela en El País.

Una lectora nada común

Isabel II comenza a ler e abandona parte das súas ocupacións habituais, porque a lectura a cautiva. As súas relacións sociais transmútanse, xa só busca a compañía doutros lectores que lle suxiran novos textos.

Primavera con una esquina rota

Un preso político e a súa familia nunha indeterminada dictadura en Latinoamérica é o eixo da narración. Diferentes voces narrativas, os membros da familia, relatarán as súas vivencias respecto dese tema. Non debedes perder as intervencións da nena.

El baile

O cambio na economía dunha familia media de principios de século, supón toda unha serie de comportamentos novedosos para incluírse nos círculos da alta sociedade. A problemática relación entre a nai e a filla é o núcleo da narración.

Para non perderla!

Sin noticias de Gurb

Dous extraterrestres son enviados á Terra para estudar os costumes humanos... Un deles adoptará a apariencia de Marta Sánchez para moverse nos arredores de Barcelona.

Unha obra para rir durante un rato. Grazas, Mendoza, sempre atopas as fórmulas da risa entre a crítica social.

Los cachorros

Vargas Llosa afirma que esta obra ten certo carácter autobiográfico, porque el tamén estivo interno nun colexio durante a súa adolescencia. Aquí un grupo de rapaces deberán formarse e aprender as reglas do máis forte para sobrevivir este periodo e acadar a madurez.

Como agua para chocolate

O uso da esaxeración e do realismo máxico fannos esbozar un sorriso ante as calamidades que sufren Tita e Pedro, quenes viven un amor imposibilitado polas tradicións familiares. É tan delicioso que con cada plato que elabora Tita, nós cremos ulir e paladear o manxar.

Los girasoles ciegos

Esta obra xa foi comentada baixo o epígrafe de Guerra civil española (no curso anterior). É delicioso o uso da linguaxe para narrar a cruda situación da poboación nos primeiros anos da posguerra.

Non a perdades!!!

Sostiene Pereira

Pereira, un xornalista a piques de se xubilar, descobre como nesta vida sempre hai que tomar partido. O Portugal da dictadura de Salazar serve de fondo a unha reflexión sobre a soidade.

Relato de un náufrago

García Márquez conta como un personaxe chega tras un naufraxio a unha localidade onde recibe todo tipo de atencións, ate que co tempo, pasa a ser esquencido.

84, Charing Cross Road

Aínda non a liches? Nin a viches en película ou no teatro?
Este é un dos textos que non deberías perder... A deliciosa relación entre unha lectora maniática e o seu libreiro ao longo dos anos nos arrastran polas follas deste libriño mostrando a evolución das personaxes.