Letras frescas

Mensajes, de Mariano Casas en decembro

2012-01-14T23:21:00.005Z

Mensajes é un comic breve do autor de procedencia madrileña Mariano Casas, profesor no IES Manuel García Barros e membro do club de lectura NA Estrada-525. Este libro preséntanos un futuro distópico, preto da fin, no que unha parella se ve obrigada a sobrevivir en condicións extremas (encerrados e sen apenas víveres). Pero, máis que iso, Mensajes é unha obra que nos conciencia sobre a importancia de deixar constancia dos nosos actos, ademáis de ofrecer unha interesante perspectiva sobre como se deben narrar. Un estilo visual minimalista completa esta obra.

"Anxos en tempos de chuvia", en novembro

2011-11-15T22:30:00.004Z

Outro ano máis retomamos o club de lectura NA Estrada-525. Desta vez, o libro lido foi Anxos en tempos de chuvia, de Miguel Vázquez Freire, quen nos acompañou durante a reunión. Houbo opinións, comentarios e dúbidas variados dos lectores: a miña dúbida particular foi por que estaba escrito en segunda persoa, e o autor contestou que era unha forma máis de narrar os feitos, e que ao final do libro esa segunda persoa xoga un importante papel na trama como nos decatamos ao chegar ao último capítulo.
A reunión desenvolveuse arredor dos temas do alcohol e a condución, de como o autor comezou a escribir o libro e cal foi a súa principal motivación: todo ten gran relevancia para comprender mellor a obra. Nela Anxos, unha rapaza relixiosa e coidadosa, que aínda se está buscando a si mesma, morre nun accidente de tráfico con outros tres rapaces; na súa habitación queda un diario persoal que comezara a escribir, e no que recolle as súas reflexións e pensamentos. Moncho, irmán de Anxos, encontra o diario mentras indaga no verdadeiro motivo da súa morte, xa que non lle parece que encaixe coa súa querida irmá. Comezará entón unha busca da verdade que, mais que unha investigación policíaca, será un proceso de aceptación de quen foi Anxos.
É unha lectura amena, aínda que moitos nos queixamos do pouco que se reflectía o galego falado polos mozos. Ademais, na miña opinión, faltoulle algo á trama para engancharme: segundo Vázquez Freire tratábase, a fin de contas, de que “Moncho non se convertise nun policía”.
Paula Romero, membro do club de lectura NA Estrada-525

La casa de Bernarda Alba, de Federico García Lorca

2011-06-28T22:10:00.005+01:00

El libro me pareció bastante impactante y constructivo. Ver cómo era la vida de muchas mujeres de esa época me hizo darme cuenta de la suerte que tenemos hoy en día.
El personaje que más me ha gustado ha sido Adela, por su valentía a la hora de intentar romper con lo establecido y sus ansias de libertad, aunque al final acabara suicidándose.
Me han sorprendido cosas como lo de tapiar puertas y ventanas por un luto, o cuando las mujeres tenían que retirarse después de la misa, mientras los hombres se quedaban charlando.
En cuanto al personaje de Pepe el Romano sólo destacaría la manera que Lorca lo deja entrever, pero sin profundizar mucho en su personalidad, centrándose más bien en cómo lo veían las hermanas.

Nada más que añadir, sólo decir que me entristece de veras no poder asistir a la reunión, ya que este es un libro que me gustaría comentar con el resto de compañeros.

Patricia Calviño; miembro del Club de lectura NA Estrada-525

A praia dos afogados, de Domingo Villar.

2011-05-21T17:31:00.002+01:00

O libro que lemos no mes de Abril foi ''A praia dos afogados'' do amplamente coñecido escritor Domingo Villar. Nesta obra, o autor narranos os traballos polos que teñen que pasar os protagonistas, o inspector Leo Caldas e mailo seu axudante Rafael Estévez, para esclarecer a extraña morte dun mariñeiro da pequena vila de Panxón, preto de Vigo. Ademais da tarde de discusión lectora e dos bos momentos pasados lendoo, a lectura deste libro implicou participar nun fermoso roteiro polas terras que se amosan no libro e pasar unha entretida tarde cos amigos na fermosa vila de Panxón.

Javier, membro do clube de lectores NAEstrada-525

Cometas en el cielo, de Khaled Hosseini

2011-03-27T15:33:00.003+01:00

No mes de Marzo, a lectura escollida foi "Cometas en el Cielo" do escritor afgano Khaled Hosseini.

A novela é dura, moi dura, pero ó mesmo tempo, moi fermosa. Trata temas como a desigualdade entre sexos, a discriminación entre razas, a amizade e a crueldade dunha guerra. Todo isto tendo como escenario o país de Afganistán. A personaxe principal é Amir, e vemos a súa vida dende que é neno ata que xa é adulto.

A novela non é, ao meu parecer, recomendable para persoas sensibles, xa que non serán capaces de conter as bágoas.

Xoana, membro do clube de lectores NAEstrada-525

No pasó nada, de Antonio Skármeta

2011-02-20T12:43:00.002Z

No mes de Febreiro, a lectura escollida foi "No pasó nada" de Antonio Skármeta.

Nel cóntase a historia do exilio da familia de Lucho, dende Chile ata Alemania, sempre visto dende o punto de vista do rapaz.
A verdade e que é un libro moi curto, moi entretido e facil de ler, a min gustoume moito esa forma de escribir a historia, porque é como se estivese falando o rapaz todo o tempo directamente co lector .

A historia ten poucos personaxes, pero os máis importantes son Lucho e a súa familia.

É un libro verdadeiramente interesante, porque nel refléxanse os medos, inseguridades e a morriña que as persoas sofren ó ter que deixar o seu país e, paralelamente, conta a historia de Lucho, de como cando chegou era un rapaz pequeno, a como vai medrando e pasando por diferentes etapas e situacións.

En definitiva, é un libro que vos recomendo a todos, moi fácil de leer e de seguir a historia.

Iago Fernández, membro do clube NAEstrada-525

Nos comentarios atoparás a recensión de Laura Carrillo, membro do club de lectura.

"Orgullo y prejuicio" de Jane Austen

2011-01-29T20:39:00.002Z

No noso club de lectura comezamos o ano da mellor maneira posible. O libro escollido para este mes foi Orgullo y Prejuicio, de Jane Austen. Este clásico da literatura anglosaxona introdúcenos no ambiente da campiña inglesa, presentándonos a personaxes dispares e ben definidos, entre os que destacan Elizabeth Bennet e o señor Darcy, protagonistas da historia.

O personaxe de Elizabeth (ou Lizz) destaca pola súa sensatez e madureza, así como pola súa intelixencia, o que contrasta co comportamento das súas irmás máis novas. En canto a Darcy, móstrase como un home arrogante e demasiado orgulloso, pero que no fondo oculta un corazón desbordante de bos sentimentos.

Para complementar a lectura desta obra e poder analizala desde diversos puntos de vista, vimos algúns fragmentos da película homónima dirixida por Joe Wright en 2005, e tamén da serie producida pola BBC en 1995.

Marta, membro do club de lectores NA Estrada-525

Seda , de Alessandro Baricco

2010-12-22T19:06:00.001Z

En decembro a lectura escollida foi 'Seda' de Alessandro Baricco.Esta historia está inspirada na vida dun home que se dedica ao mercado dos gusanos de seda.

Trátase dun libro curto, de apenas 65 capítulos pouco extensos, nos que relata moitas cousas moi lentamente e ao mesmo tempo outras moi rápido. Realmente este libro gustoume moito, levoume apenas unha hora e media (xa que tiña a música de fondo e estaba atendendo outras cousas en internet).

Ten apenas 4 personaxes principais e outros tantos secundarios. O protagonista ía ser militar pero dedicouse ao comercio de gusanos de seda por recomendación dun coñecido. Ao principio só comerciaban con gusanos do sur de Francia, pero as enfermidades mataban á gran maioria da producción, por iso chegou ata o Xapón. Realizou 4 viaxes para traer os mellores gusanos de seda. Alí transcurren uns acontecementos que lle obligan a volver. A sua vida finaliza tranquila no seu parque, ao lado do seu lago que lle recordaba a súa vida.

É un libro que se pode ler tranquilamente nunha hora, aínda que hai que estar moi atento porque hai elementos cruciais que son vitais para comprender o final, (sobre todo algúns signos de puntuación).

Iván Pérez Domínguez, membro do clube de lectores NAEstrada-525.

La ciudad y los perros de Vargas Llosa

2010-11-19T20:52:00.003Z

En novembro a lectura escollida foi unha das primeiras novelas do reciente Premio Nobel. Nela preséntase con crudeza a vida no colexio limeño Leoncio Prado, no que están internos os adolescentes protagonistas que sufren as humillacións dun sistema xerárquico que só permite que se salven os mais fortes.
Di Orquídea:
La ciudad y los perros es un libro del último premio Nobel de Literatura: Mario Vargas Llosa. Yo, que soy una humilde lectora más, lo he disfrutado. No lo amé quizá porque no lo leí con la suficiente calma (hay que tener en cuenta que empecé por la noche y lo acabé de leer entre clase y clase), quizá porque me costó mucho adaptarme a su manera de escribir; quizá, simplemente, porque no estoy hecha para leer a Vargas Llosa o quizá porque esos días estaba obsesionada con ver la última película de Harry Potter.

¿Sobre los personajes? Sí, los amé... Alberto, Jaguar y El Esclavo. Alberto es un chico normal, que va al internado para militares... Y un poeta pero no en el sentido estricto de la palabra más bien escribe "novelas" con cierto contenido inadecuado. Jaguar es el jefe del pelotón, protege a sus amigos con lo que puede y un poco más... Pobre Jaguar, si hay un personaje con el cuál empaticé fue él. El Esclavo es un pobre chaval que no quiere pelear, ni discutir él solo quiere sobrevivir.

Ah, y luego esta Teresa. Si alguien la comprende o entiende por qué... Por favor, que me lo explique. Teresa es un personaje que no entendí y que, desde luego, me parece raro.(Sí, solo eso).

Podría decir que es un libro para leer en una tarde y sin mucha complicación pero no es cierto, a este libro hay que dedicarle cada segundo que merece. Hay que parar cada cierto tiempo y recapitular y también hay que estar muy pendiente de los cambios de narración. Hay que estar atento a cada palabra porque podría suponer un punto importante para el final.
Orquídea, membro do club NA Estrada-525

Novidades

2010-11-08T19:46:00.005Z

O clube de lectura NA Estrada-525 adquiriu moitos títulos de literatura e de cómic que, coma sempre, xa tendes á vosa disposición na Megabiblioteca. Entre eles se vos aconsella a lectura dos cómics El caso del velo, Negrinha, Zits, Autobio, Puta guerra e Todo el polvo del camino que tratan dende o choque intercultural ate a adolescencia, a época da Gran Depresión en EE.UU., a Primeira Guerra Mundial ou o consumo responsable. Na literatura xuvenil atoparedes La evolución de Calpurnia Tate, Chocolate amargo, El vendedor de cuentos, Dos velas para el diablo, El coleccionista de relojes extraordinarios; C, el pequeño libro que aún no tenía nombre, La torre y la isla, El nombre del viento, a triloxía La puerta oscura... e na de adultos A praia dos afogados, Herbamoura, Cometas en el cielo, El tiempo entre costuras, El rescoldo, La ciudad y los perros, El sueño del celta... Mais de 60 títulos!!! Podedes consultalos no catálogo da nosa biblioteca na rede.

Entre contos hispanoamericanos

2010-10-24T11:49:00.005+01:00

A selección de relatos de Julio Cortázar e Horacio Quiroga deu para falar da vida na selva, das emocións, da inquietude... Nos textos algúns membros destacaron o uso pautado dos elementos terroríficos, outros o xiro inesperado da trama...
E ti, que suliñas?

Para os contistas do medo

2010-10-20T23:32:00.004+01:00

Se alguén tivera que preparar unha lectura de medo, podería ler o conto de Diesteaquí .

Nada , de Carmen Laforet

2010-05-12T19:30:00.006+01:00

Nada es un libro muy realista, que representa la realidad de la España de la posguerra, y aunque sea difícil de reconocer, también la realidad de muchos hogares. Por suerte, vamos progresando y cada vez hay menos machismo, pero avanzamos muy despacio. Me gusta el punto de vista que tiene, aunque Andrea es demasiado neutral, y en una ocasión, acaba volviéndose como el resto de la familia.

María.

Podes ler a recente noticia sobre a vida da autora en El País http://http://www.elpais.com/articulo/cultura/Todo/chica/Nada/elpepucul/20100515elpepicul_3/Tes

El Guardián entre el centeno , de J.D. Salinger

2010-04-19T16:24:00.005+01:00

El guardián entre el centeno , do "peculiar" autor estadounidense J.D. Salinger (morto recentemente) , trata da historia de Holden Caufield, xove ao que expulsan do instituto no que estudaba interno, e decide vivi-los tres días de vacacións que lle quedan libre e como el queira. Estamos a falar dunha obra única, que conta todo dende a perspectiva febril e maniática de Holden. As súas manías, os seus pensamentos, as súas inquietudes, vense reflexados no desenvolvemento da historia. A obra ten toques de humor, drama, e ¿filosofía?. En definitiva, un libro que non debedes perder.

Álvaro.

P.D.: A biografía do curioso escritor J.D. Salinger, aquí. (Wikipedia)

El curioso incidente del perro a medianoche, por Mark Haddon

2010-03-24T19:36:00.007Z

El curioso incidente del perro a medianoche cóntanos a historia de Cristopher Boone, un rapaz de 15 anos un tanto especial: ten memoria fotográfica, é incapaz de mentir e vai a unha escola para estudiantes con "necesidades especiais" (un eufemismo que detesta). E é que Cristopher padece o Sídrome de Asperger. Por ese motivo, non soporta que as cousas saian da súa orde específica e ten problemas co contacto físico. Pero un día ocorre algo completamente inesperado: atopa ao can da súa veciña, Wellington, morto e atravesado por unha forca de xardín. Cristopher decídese a facer unha novela policíaca usando o asasinato do can como argumento e misterio principal, contándonos os segredos da súa vida e a súa personalidade. Misterio, drama e, sí, un belisco de humor nesta obra indispensable.

Álvaro

Información adicional:
Síndrome de Asperger en Wikipedia (castelán)
Síndrome de Asperger en Wikipedia (galego, menos completo)

Sin vuelta atrás de Sierra i Fabra

2010-01-15T19:35:00.002Z

Os lectores comentan:

Este libro refleja la vida escolar, centrándose solo en la violencia de un grupo hacia otro y la ignorancia de ello por parte de otros.La muerte de Jacinto hace sentir lo mal que una persona lo está pasando debido a la violencia escolar. El suicidio es un acto extremo donde no se puede aguantar más. Los profesores, si ya sabían lo que ocurría, debían haber dado la voz de alarma y no quedarse callados mirando hacia otro lado como si nada ocurriese. Es un acto de cobardía que no hubiesen hablado, y lo mismo pienso de Cecilia y de M. Ángel. Se puede ser leal a un amigo, pero si le están maltratando no es un tema para callarse la boca. Por otro lado, opino que se exageran demasiado algunas reacciones. Por ejemplo, el intento de suicidio de Alan me parece un remordimiento demasiado exagerado, ya que el también pegaba y estaba con Salva y compañía en sus fechorías. En cambio me parece muy real otra actitud: cuando Salva, Cafre, Segis y Alan se enteran de la verdadera razón de la muerte de Jacinto, intentan hacer como si ellos no hubiesen hecho nada y "camelan" a M. Ángel. Verdaderamente pienso que es ésta la actitud que mejor se identifica con la realidad, ya que los matones, por así decirlo, al ser descubiertos, o estar a punto de ello, intentan agacharse y esconderse de sus actos y no dar la cara por ellos. A pesar de los aspectos del libro que no he visto bien, la historia es en sí triste y realista, y en mi opinión el modo en que se narra es agradable, sin pararse demasiado a describir las cosas. Es un libro ameno y fácil de leer.

Lucía R. (membro do club de lectura NA Estrada-525)

A metamorfose, de Franz Kafka

2009-12-09T16:43:00.012Z

A historia cóntanos a transformación de Gregor Samsa, quen un día espertou transformado nun insecto, o que supón un grande cambio no tratamento que recibe por parte da súa familia dende a axuda inicial ate o rexeitamento pleno. Cos apuros económicos da familia pola incapacidade del para traballar, chegan os principais problemas de aceptación que esta historia nos amosa. Serás quen de perdelo?

María.

Frankenstein, de Mary W. Shelley

2009-11-18T21:27:00.006Z

Esta novela do Romanticismo é un clásico da literatura de terror que aborda un tema de absoluta actualidade: a investigación científica aplicada á creación humana (chamémoslle clonación, células nai ou selección xenética).

Victor Frankenstein é un investigador que pretende crear un ser vivo a partir de restos de cadáveres, pero unha vez que o consegue se lle plantexan toda unha serie de dúbidas morais sobre o acto, máxime cando a súa criatura comenza a pensar, falar e desexar unha compañeira...

As relacións amistosas, familiares e sentimentais (que tamén as hai na obra), a concatenación de catástrofes e o medo acuciante vas ter que lelos; porque non chos podemos contar, hai que sentilos!

Freda

2009-11-02T19:29:00.004Z

Esta é unha das novas adquisicións da biblioteca do MGB. Ao longo das viñetas en branco e negro desenvólvese unha historia de emigración, de desarraigo, de carencias afectivas tanto no país de acollida coma na terra natal á que se retorna. Para non perdelo!

Arrugas

2009-03-13T21:27:00.002Z

Este cómic trata con sensibilidade e tenrura unha situación ben difícil: o internamento nunha residencia da terceira idade dun paciente de alzheimer.

Retorno a la tierra

2009-02-13T23:32:00.007Z

A triloxía (ate o momento) de Retorno a la tierra recolle as peripecias dunha parella nova que abandoa a cidade para vivir no campo. Nos pequenos capítulos nos que se estrutura a obra, preséntansenos anécdotas das persoas do pobo, reflexións sobre o cambio de vida, as desavenencias

matrimoniais, os obxectivos persoais...
Para disfrutalo!
(Sobre todo a partir dos 30)

No pasarán

2009-02-13T23:30:00.003Z

Nos dous tomos de ¡No pasarán! Giardino presenta ao seu personaxe Max Fridman durante a Guerra Civil española. A súa colaboración cos republicanos, as relacións coas Brigadas Internacionais e un panorama da situación política, social e etnográfica do momento.

Mi madre era una mujer hermosa

2009-02-13T23:25:00.004Z

A lembranza da familia amósase sen sensiblería. Os conflictos son narrados por unha muller nova que pretende reorganizar o núcleo familiar.

Aya de Yopougon

2009-02-13T23:24:00.006Z

Aya, unha adolescente, reside nun suburbio. O seu obxectivo é estudar unha carreira, mentres o afán das súas amigas é casar. Xa están na biblioteca os tomos 2 e 3 desta serie. Se che gustou este, segue lendo!

De profundis

2009-02-13T23:22:00.003Z

Este cómic é o froito da película do mesmo título. Unha visión lírica sobre un pintor que ao morrer no mar descobre o universo (animal, vexetal e de seres míticos) que antes recreara nos seus cadros.
Sempre é un pracer ler e mirar a obra de Miguelanxo Prado; aínda que se bota en falla a magnífica música da película.

Cómo no fui secuestrado en Afganistán

2009-02-13T23:21:00.003Z

Dado o gran número de analfabetos en Afganistán, o Goberno contrata a un ilustrador para que faga unha versión da Constitución en cómic.
Dende a mirada extrañada do debuxante occidental contemplamos a crítica aos varios factores que na actualidade conflúen neste país: os costumes, as actuacións das ONG's, a situación prebélica...

Píldoras azules

2009-02-13T23:20:00.007Z

Este cómic para adultos amosa como unha parella debe afrontar a enfermidade dun deles. A crueza da temática e do plantexamento, non impiden a tenrura da ilustración e dos xestos. Lectura que invita á reflexión.

Bone

2009-02-13T23:19:00.002Z

No mundo de Boneville tres amigos pérdense e cada un deberá buscar o seu camiño. Os seus diferentes caraceteres os levarán a propostas ben distintas ate que ao final do primeiro tomo reencóntranse. Podes seguir lendo, hai xa nove títulos publicados.

Pollo con ciruelas

2009-02-13T23:16:00.004Z

Satrapi é unha das nosas autoras recurrentes, xa comentamos Persépolis en "A, de alteridades". Nesta ocasión o protagonista é un home que perde a ilusión pola vida cando se lle rompe o seu instrumento musical (fonte de manutención e de placer). Na busca dun shitar axeitado veremos as súas relacións familiares, a depresión da madurez e os conflictos dos anos 70 en Irán.

La prórroga

2009-02-13T23:13:00.003Z

Nos dous tomos da obra coñeceremos a un desertor da Segunda Guerra Mundial en Francia, quen conta as súas vivencias e as observacións da realidade dende a atalaia onde está agachado. Mentres o tempo pasa, as estacións, a entrada dos nazis no pobo, o poder que adquiren os pronazis... el coñece e vive unha historia de amor e descobre os movementos da Resistencia.

Blacksad

2009-02-13T23:11:00.002Z

Esta triloxía está protagonizada por Blacksad, un detective con rostro de pantera que investigará e perseguirá aos delincuentes. O plantexamento de fábula (coma en Maus) invita ao lector a entrar no xogo de recoñecer os rasgos de carácter no animal que representa á personaxe.
Os tres títulos manteñen a intriga e unha presentación coidadísma do relato, tanto no texto coma na imaxe.

Todo Mafalda

2009-02-13T23:10:00.004Z

A personaxe máis coñecida de Quino xa cumpliu 40 anos, pero segue a ser tan actual como o primeiro día. As súas críticas ao sistema, á visión tradicional da vida (representada en Susanita), á ambición económica (Manolito)... e as súas reflexións sobre a imaxe do corpo na sociedade actual, a información, o medio ambiente... aínda nos fan rir e pensar.

As aventuras de Cacauequi

2009-02-13T23:03:00.002Z

Cacauequi contaranos en primeira persoa a súa vida, chea de episodios surrealistas e amosando unha estética na que percibimos guiños ao lector xa que moitas das viñetas remiten a obras de De Chirico, Dalí...

El viejo y el mar

2009-02-13T22:55:00.002Z

Hemingway narrou nesta novela breve a loita dun vello cun peixe. A forza e dozura da súa prosa supuxo un paso para o Premio Nobel que acadou pocos anos despois da publicación desta obra.

O xiro postal

2009-01-14T22:34:00.004Z

Un feito anecdótico -a recepción dun xiro postal- serve para amosar un retrato pleno da sociedade nos barrios máis pobres dunha cidade. A corrupción entre os funcionarios, as apariencias que ocultan a miseria, as relacións interpersonais...

Unha obra interesante que ben puido formar parte da selección "Outras culturas".

Chesil Beach

2009-01-14T22:12:00.008Z

Na Inglaterra dos anos 60 unha parella pasa a noite de vodas nun hotel xunto a Chesil Beach. A relación, que parecía perfecta durante o noviazgo, tambaléase.

Podes ler a crítica que Eduardo Mendoza publicou sobre esta novela en El País.

Una lectora nada común

2009-01-14T22:07:00.005Z

Isabel II comenza a ler e abandona parte das súas ocupacións habituais, porque a lectura a cautiva. As súas relacións sociais transmútanse, xa só busca a compañía doutros lectores que lle suxiran novos textos.

Primavera con una esquina rota

2009-01-14T22:02:00.004Z

Un preso político e a súa familia nunha indeterminada dictadura en Latinoamérica é o eixo da narración. Diferentes voces narrativas, os membros da familia, relatarán as súas vivencias respecto dese tema. Non debedes perder as intervencións da nena.

El baile

2009-01-14T21:59:00.004Z

O cambio na economía dunha familia media de principios de século, supón toda unha serie de comportamentos novedosos para incluírse nos círculos da alta sociedade. A problemática relación entre a nai e a filla é o núcleo da narración.

Para non perderla!

Sin noticias de Gurb

2009-01-14T21:54:00.004Z

Dous extraterrestres son enviados á Terra para estudar os costumes humanos... Un deles adoptará a apariencia de Marta Sánchez para moverse nos arredores de Barcelona.

Unha obra para rir durante un rato. Grazas, Mendoza, sempre atopas as fórmulas da risa entre a crítica social.

Los cachorros

2009-01-14T21:49:00.004Z

Vargas Llosa afirma que esta obra ten certo carácter autobiográfico, porque el tamén estivo interno nun colexio durante a súa adolescencia. Aquí un grupo de rapaces deberán formarse e aprender as reglas do máis forte para sobrevivir este periodo e acadar a madurez.

Como agua para chocolate

2009-01-14T21:41:00.004Z

O uso da esaxeración e do realismo máxico fannos esbozar un sorriso ante as calamidades que sufren Tita e Pedro, quenes viven un amor imposibilitado polas tradicións familiares. É tan delicioso que con cada plato que elabora Tita, nós cremos ulir e paladear o manxar.

El hijo del acordeonista

2009-01-14T21:37:00.003Z

Aínda que esta novela supera o número de páxinas marcado na selección actual, unha lectora do club recomendounos ver outra perspectiva da posguerra: a situación no País Vasco tras a guerra civil española. Atxaga tratou esta mesma temática na novela infantil Memorias dunha vaca.

Los girasoles ciegos

2009-01-14T21:33:00.004Z

Esta obra xa foi comentada baixo o epígrafe de Guerra civil española (no curso anterior). É delicioso o uso da linguaxe para narrar a cruda situación da poboación nos primeiros anos da posguerra.

Non a perdades!!!

Sostiene Pereira

2009-01-14T21:14:00.003Z

Pereira, un xornalista a piques de se xubilar, descobre como nesta vida sempre hai que tomar partido. O Portugal da dictadura de Salazar serve de fondo a unha reflexión sobre a soidade.

Relato de un náufrago

2009-01-14T21:11:00.004Z

García Márquez conta como un personaxe chega tras un naufraxio a unha localidade onde recibe todo tipo de atencións, ate que co tempo, pasa a ser esquencido.

Los papalagi

2009-01-11T21:30:00.004Z

O xefe samoano Tuiavii de Tiavea, tras recibir a visita de numerosos antropólogos, decide ir persoalmente a comprobar como vive o home branco (os papalagui). Os seus comentarios e reflexións sobre a forma de vida na Europa de principios do século XX fannos rir, porque os costumes que para nós son habituais, el as observa como insólitas. A vestimenta, a vivenda, a moeda... todo é susceptible de ser comentado neses discursos que pronunciará ao regreso ante a súa tribu.

Hai un libro co título de Para raros, nosotros; pois iso.

Babel

2009-01-11T21:04:00.006Z

O mexicano Alejandro González Iñarritu mostra como un feito puntual entrelaza as historias que transcorren en lugares tan distantes como EE.UU., Xapón, Marrocos e México. Usando secuencias cortas o director cóntanos a historia dunha parella que sufre un accidente cando está de viaxe turístico por Marrocos; mentres os seus fillos, ao coidado dunha mexicana, tentarán pasar a fronteira de EE.UU. a México para acudir a unha boda e, en Xapón, a incomunicación personifícase nun pai e unha filla.

A película non é moi fácil de entender, polos continuos cortes na narración e os flashbacks, pero paga a pena o esforzo. Se che gustou esta película podes ver as dúas anteriores do mesmo director: Amores perros e 21 gramos.

El antropólogo inocente

2009-01-11T20:50:00.007Z

Un xoven antropólogo que está levando a cabo un traballo de campo en África pasa por experiencias asombrosas, chocantes, hilarantes... As diferencias culturais que el busca aparecen sempre reflectidas con afecto e humor, e do contraste entre o antropólogo occidental, os hutus e os dowaios, o "raro", o diferente, sempre acaba sendo el.

Persépolis

2009-01-11T20:45:00.005Z

Este cómic, que recibiu todos os grandes premios, mostra a evolución dos últimos anos en Irán. Os vaivéns políticos, que afectan a toda a sociedade, preséntansenos en clave autobiográfica, a través da mirada dunha rapaza de clase alta. A situación da muller neste país convírtese nun tema destacado.

Recorda que o éxito do cómic supuxo que se fixera unha versión cinematográfica, estreada no 2007.

La boda del Monzón

2009-01-11T20:38:00.004Z

Os casamentos son diferentes en cada cultura: os ritos, a cor das vestimentas... Aquí unha muller decide casar co home escollido pola súa familia (o habitual na India) aínda que ela é unha muller educada e liberal. A comedia viste toda a película de certo aire inxenuo, pero a crítica a moitos aspectos da sociedade hindú actual (as diferencias entre clases sociais, as tradicións obsoletas...) é evidente.

Aroma árabe

2009-01-11T20:30:00.005Z

Esta novela é unha explosión de sensacións, porque abre todos os sentidos...

Un home visita a súa familia e recupera a súa infancia a través dos relatos que lle contan e dos olores e sabores da cociña tradicional árabe. O relato propiamente dito interrómpese para dar cabida a recetas que poden ser realizadas na casa polo lector@.

Xa sabedes, estades invitados; pero coidado, cada dez páxinas de lectura entran ganas de comer.

Un burka por amor

2009-01-11T20:25:00.006Z

Baseada na historia real dunha mallorquina namorada dun afgano. Amosa as vicisitudes sufridas para saír de Afganistán e chegar a España, e como despois decide abandonar as comodidades do noso país e voltar cos seus fillos a Afganistán para reencontrarse co seu esposo.

Como saliva en la arena

2009-01-11T20:20:00.004Z

Na India do século XX (e XXI) a maioría dos casamentos aínda son amañados polas familias cando os contraíntes son menores de idade. Este é o comenzo da novela na que unha xoven hindú escapa ao seu destino de muller casada e tomará camiños sorprendentes.

Unha novela plena de realidade, pero tamén de rebeldía, de madurez persoal...

Un viejo que leía novelas de amor

2009-01-11T20:16:00.003Z

O protagonista é un home que leva moito tempo vivindo na selva amazónica. O seu coñecemento dos shuar, os nativos, e o seu contacto cos blancos que acuden a El Idilio amosan a confrontación entre diferentes formas de vida.

Unha obra que non debes perder.

Los libros de la almohada

2008-04-27T22:21:00.004+01:00

Este libro de X.A. Neira Cruz de momento só o atoparemos en edición non venal, porque era o regalo de Nadal de Anaya. Esperemos que a editora teña a ben publicalo para a venda e que así un maior número de lectores poidan disfrutar dunha obra íntima e lírica que nos prende dende a primeira liña.
A morte dunha anciá de orixe chinesa e os ritos de loito nos conducen á súa herdanza: os libros que mantén na almofada.
Simplemente delicioso, para esquencer durante un rato o noso ritmo de vida e degustar unha prosa suxerente.
A edición do libro, moi coidada nas ilustracións e na portada de cartoné forrado de tea negra, non puido ser reproducida.

Firmin

2008-04-27T22:13:00.004+01:00

Este libro encantador mostra a experiencia lectora dunha rata. Só para abrir boca:
"Al principio me limitaba a comer, royendo y masticando, tan feliz, siguiendo los dictados de mi gusto. Pero pronto empecé a leer, un poco por aquí, otro poco por allá en los bordes de mis comidas. Y según transcurría el tiempo fui leyendo más y masticando menos, para terminar pasándome prácticamente todas las horas de vigilia leyendo y comiéndome sólo los márgenes. Y, ay, ¡cuánto lamenté entonces aquellos horribles agujeros! De algunos títulos no había más que un ejemplar, y tuve que esperar años para rellenar los huecos. No me enorgullezco de ello." Páxs. 35-36.

En el bosque

2008-04-27T22:05:00.005+01:00

Este álbum de Anthony Browne (o autor de Willy) incorpora variadas referencias gráficas dos contos clásicos, por iso no percorrido do neno ate a casa da avoa, atravesa o bosque e nel os medos ilústranse na fogata de Hänsel e Gretel, no zapato de vidro, nos tres osos, na trenza de Rapunzel... Todo un exercicio de inxenio para pequenos e maiores.

Días de Reyes Magos

2008-04-27T21:56:00.003+01:00

Un adolescente non lector sufrirá unha confabulación familiar que o levará por camiños de lectura. Os exemplares chegaránlle ao seu buzón, á súa cama... no momento xusto en que precisa un texto determinado. Neste proceso de desconcerto que é a adolescencia, o xoven irá recibindo cordas nas que anclarse ao mundo.
Esta é unha xoia na que os lectores síntense reconfortados.

O único que queda é o amor

2008-04-27T21:51:00.003+01:00

Os dous relatos -que abren e pechan o libro- baséanse na relación das personaxes cos libros. No primeiro unha muller que acude diariamente á librería próxima á súa oficina atopará mensaxes de amor en clave literaria, un verso, unha estrofa, un fragmento que a orientan nas súas lecturas; aínda que ela non saberá quen lle proporciona este momento diario de pracer.
No último relato un home decide empapelar a cidade con anuncios que só recollen fragmentos dos libros que o emocionan.

Los narradores cautivos

2008-04-27T21:47:00.004+01:00

Varios investigadores de Literatura son secuestrados nun hotel en Exipto. Para alixerar a tensión deciden ir contando historias e así mostran un resumo dos argumentos das obras máis coñecidas da Literatura Universal dende a Odisea ate O Decamerón, libro no que se basea.

La sombra del viento

2008-04-27T21:43:00.002+01:00

Daniel Sempere atopará no Cementerio de los Libros Olvidados o único exemplar dunha novela. Este feito o levará a investigar sobre o misterioso autore, de paso, coñeceremos o mundo das librerías, das tertulias literarias e a vida en Barcelona dende a posguerra.

Dónde crees que vas y quién te crees que eres

2008-04-27T21:26:00.003+01:00

Un xogo de textos no que as diferentes tintas sirven para marcar o libro que está a ler a personaxe dentro da obra -como en La historia interminable (se queres comentalo mira no historial en xaneiro)- Un texto de difícil lectura pola metaliteratura, as referencias a clásicos literarios xuvenís pero impecable na súa factura e na prosa fluída. Unha das poucas (dor desgracia) incursións de Benjamín Prado na literatura xuvenil.

Mensaje cifrado

2008-04-27T21:15:00.002+01:00

A mensaxe que un avó deixa ao seu neto está cifrada en clave de xogo da oca. Santiago deberá descubrir o código para recuperar a herdanza e descubrir o pasado do seu avó.

Memorias de Idhún I: La Resistencia

2008-04-27T20:46:00.003+01:00

Nesta primeira entrega da triloxía, Laura Gallego establece o marco no que se moverán Jack e Victoria, dous adolescentes, habitantes da Terra e descoñecedores que que o seu destiño é recuperar Idhún, unha vez que caeu en mans de Ashram o Nigromante. Neste relato fantástico caberán a amistade, o amor, a madurez, o heroísmo e a loita do Ben contra o Mal.
A páxina oficial é

El curioso incidente del perro a medianoche

2008-04-27T20:40:00.004+01:00

Un rapaz autista conta a súa visión da vida; incorporándonos a unha percepción diferente da realidade.
O libro sorprende pola prosa cortante, descargada de afáns retóricos.

Irena Sendlerowa, el ángel del ghetto de Varsovia

2008-03-31T21:47:00.003+01:00

Unha das lectoras do club nos fixo chegar este libriño que non acada valores literarios, pero si rezuma humanidade. Xa que recolle a historia real dunha muller que axudou ás nais e os bebés durante o periodo da Segunda Guerra Mundial e o nacionalsocialismo en Polonia.

Carta de una desconocida, Stephan Zweig

2008-03-27T17:28:00.003Z

Unha muller escribe unha carta sentimental ao amor da súa vida.
Zweig reflicte nun breve espazo a figura dunha muller por riba do seu tempo. Xa liches Veinticuatro horas en la vida de una mujer?

Cartas de inverno

2008-03-26T19:36:00.013Z

Agustín Fernández Paz conta unha historia do seu xénero favorito: o misterio. A trama nos chegará aos lectores en "flash-back" porque o protagonista envíalle ao seu amigo Xabier unha serie de cartas nas que fai visible o seu medo. Xabier axudarao, pero antes deixará preparada toda a documentación e unha carta para que a súa irmá a entregue á policía se lle pasara calquera cousa.
Podes consultar: www.filix.org/ranholas/Acartas.html

"Cartas de mamá" en Las armas secretas

2008-03-26T19:23:00.002Z

Cortázar é sempre unha aposta segura, un autor para revisitar ou para coñecer. Neste conto a nai mostra as súas inquedanzas e fainos copartícipes dos secretos...
Como xa tés o libro nas mans, podes descubrir a pequena obra mestra de "Las babas del diablo", ou aventurarte noutros contos do autor como "Casa tomada","La señorita Cora" ou os textos de Historias de cronopios y famas.

La amigdalitis de Tarzán

2008-03-26T19:19:00.002Z

Un home e unha muller manterán a súa amizade ao longo dos anos a través das cartas.

84, Charing Cross Road

2008-03-22T15:24:00.004Z

Aínda non a liches? Nin a viches en película ou no teatro?
Este é un dos textos que non deberías perder... A deliciosa relación entre unha lectora maniática e o seu libreiro ao longo dos anos nos arrastran polas follas deste libriño mostrando a evolución das personaxes.

Laluna.com

2008-03-22T15:17:00.003Z

A revisión do texto Cyrano de Bergerac dá lugar a unha fresca novela xuvenil na que as mensaxes se intercambia vía correo electrónico, pero segue a haber un amor imposible entre Amador e Cyra. Ésta axuda a súa amiga Cristina a conquistar o corazón de Amador, namorado das verbas que lle envían.

Cartas desde mi molino

2008-03-22T15:09:00.003Z

Nesta obra clásica na literatura francesa, Daudet recopila textos que previamente publicara nos xornais. Neles mistura a realidade, a nostalxia de Paris con a narración dos costumes locais.
Podes acceder a algunhas das cartas dende: href="http://es.wikipedia.org/wiki/Cartas_desde_mi_molino">

Cartas de amor

2008-03-22T14:59:00.002Z

As cartas enviadas por diferentes personaxes e con diversos propósitos presentan a cruda realidade dende a perspectiva do amante. Así unha moza escribirá ao seu amor separados polos quilómetros que median entre o Sáhara e Cuba. Outra mostrará o seu amor cara a unha amiga. Unha muller narrará a familia do home a morte deste tras o viaxe en patera...
Unha obra que non deberías perder, porque sempre haberá unha historia que te seduza.
Tés máis información en: http://www.readgalicia.com/books/cartas-de-amor/

Tú, mío

2008-03-02T19:46:00.002Z

De Luca presenta a Segunda Guerra mundial a través dos ollos dun rapaz que recibe os comentarios do seu tío.

El niño con el pijama de rayas

2008-02-20T22:48:00.002Z

Esta foi a proposta maioritariamente escollida polos lectores, pero non todos remataron de lelo... Quen estea disposto a saber máis deberá consultar os comentarios.

El humo de Birkenau

2008-02-20T22:42:00.010Z

Esta é unha obra autobiográfica, na que a autora relata seis episodios da súa estadía neste campo de concentración. O texto é durísimo polas circunstancias que presenta, pero descubrimos que entre a miseria e a morte cabían a esperanza, a solidariedade e a fortaleza destas mulleres.

Diario de Ana Frank

2008-02-20T22:38:00.004Z

Ana Frank escribe o diario no que relata a vida cotiá nos dous anos nos que está recluída en Amsterdam. Ela e a súa familia deben permanecer ocultos dos nazis para sobrevivir.

Sálvate, Elías!

2008-02-20T22:28:00.003Z

Neste álbum ilustrado, que pode ser lido a partir dos 7 anos, trátase dun feito menos abordado na literatura e no cine con respecto á persecución dos xudeos durante os anos 30-40 en Alemaña: a separación de pais e fillos.
Elías, xudeo de 7 anos, é deixado polos seus pais nas mans duns franceses para protexelo da persecución nazi. Esta "familia" adoptiva criará a este rapaz que desperta á vida nunhas situacións estremecedoras.
O texto derrocha ternura e realismo, as ilustracións o acompañan cos tonos fríos e o xogo de texturas. O diálogo entre ambos códigos é perfecto, porque un completa ao outro.

Maus

2008-02-20T22:19:00.005Z

Este cómic mereceu o premio Pulitzer. O autor, tentando recrear a súa historia, a través dos recordos do seu pai, presenta as vivencias dos xudeos durante a época de ascensión do nacismo e a vida nos campos de concentración.
As ilustracións en branco e negro e con dureza nos trazos, forman viñetas abigarradas de contido. As personaxes caracterízanse como animais, así os xudeos serán ratos, os nazis gatos e os polacos, cerdos.
Outro título que non deberías perder! Descubrirás que os cómics non sempre son para os máis cativos.

Cuando Hitler robó el conejo rosa

2008-02-20T22:17:00.002Z

Un título para nenos no que se incorpora a temática da guerra vista polos seus ollos.

Unha alma nobre

2008-02-20T22:10:00.003Z

Aínda que pode ser lida independentemente, esta é a segunda parte de Reencuentro. Se naquela era o amigo xudeo quen narraba, agora en Un alma nobre será Konradin quen comente a súa relación de amizade ímposible na época e lugar na que se produciu. Konradin, o home de 32 anos, a escasos días de ser executado recorda os días felices da adolescencia na compaña do único amigo que recoñece.
Se aínda non as liches, aproveita para incorporalas o próximo mes!

Enderezo descoñecido

2008-02-20T21:49:00.003Z

Esta breve novela foi publicada nos anos 40 e sorprende a lucidez da autora en percibir os primeiros movementos do nacionalsocialismo que logo conducirán aos guettos, campos de concentración e de exterminio.
Martin e Max, socios dunha galería de arte en EE.UU., manterán unha relación epistolar dende 1936 xa que Martin decide establecer a súa residencia en Alemaña. Os dous amigos verán que as súas posicións vitais se polarizan cando Martin incorporase ao movemento nazi e renega de Max, xudeo.
Unha novela para non perder!

La vida es bella

2008-02-20T21:41:00.003Z

Roberto Benigni mostra de forma amable a vida nos campos de concentración nazis. A visualización desta película pode confrontarse con outras das obras propostas.

Las uvas de la ira

2008-02-20T21:15:00.005Z

Esta película foi recentemente traballada por dúas profesoras do noso centro cos alumnos... como elas (Juana e Isabel) forman parte deste club, esperamos que nos ofrezan unha visión dela.

Ser o no ser

2008-02-20T20:25:00.003Z

O parecido físico entre un actor e un alto cargo nazi da lugar á comicidade e a crítica.

Tintín en el Congo

2008-01-23T23:06:00.000Z

Tintín, o reporteiro, viaxará ao centro de África acompañado das persoaxes xa coñecidas: ó inseparable Milú, o capitán Haddock...
Esta obra de Hergé recibiu (e recibe) numerosas críticas porque a visión que se ofrece do Congo e das súas xentes é abertamente racista. Recordade que, na época en que se publicou, o Congo aínda era unha colonia de Bélxica, país do autor.

Luces del Norte

2008-01-23T23:00:00.000Z

Pullman mostra nesta primeira entrega da súa triloxía "La materia oscura" as bases que conformarán o seu universo narrativo: Lyra, unha rapaza, deberá salvar o seu mundo, que corre o perigo de desaparecer, xa que o Magisterio pretende que os rapaces sufran a tortura de verse sen o seu daymon...
A versión cinematográfica, recentemente estreada, titúlase La brújula dorada.

La guerra del fútbol

2008-01-23T22:52:00.000Z

Os resultados dun partido de fútbol entre El Salvador e Honduras deron lugar a unha longa guerra a finais dos anos 60. A partir deste dato histórico, Kapuscinski, xornalista ben informado, mostra a realidade social que estaban a vivir estes países: a miseria, a corrupción...

La ciudad de las Bestias

2008-01-23T22:41:00.000Z

Esta é a primeira entrega da triloxía "Águila y Jaguar", na que o xoven Alexander e a súa intrépida avoa percorren América do Sur, África e Asia. Nesta novela neto e avoa, acompañados de Nadia, deberán descubrir as oscuras razóns que se ocultan baixo a forma da Besta lexendaria do Amazonas.

La historia interminable

2008-01-23T22:25:00.000Z

Bastián Baltasar Bux quedará atrapado nas páxinas dun libro e terá que axudar aos protagonistas da novela a recuperar o seu mundo perdido...

No pasó nada, de A. Skármeta

2008-01-23T22:18:00.000Z

Unha familia chilena debe abandonar o seu país cando Salvador Allende é asesinado e sube ao poder Augusto Pinochet. A difícil integración dos rapaces na sociedade alemá é o tema desta novela.

Diarios de motocicleta

2008-01-23T22:14:00.000Z

Ernesto "Che" Guevara e un amigo recorren Latinoamérica para aprender cómo vive a xente, os seus costumes, necesidades... A viaxe será un percorrido polas diferentes culturas e persoas. A présa non será a súa preocupación.

El aprendiz de Stanley

2008-01-23T22:07:00.000Z

Un expedicionario conta a súa viaxe por África seguindo os pasos do famoso Stanley. Acompañado da súa muller e da súa cuñada sufrirán a soidade, as enfermidades, a angustia e despertarán á madurez...

Seda

2008-01-13T14:06:00.000Z

Esta obra será unha das comentadas na próxima reunión do Club de lectores, pero por se queres ir abrindo boca... Un comerciante recorre toda Europa e Asia na procura dos mellores exemplares de gusanos de seda. No camiño atopará experiencias persoais inesquencibles como o amor.

Odisea

2008-01-13T14:02:00.000Z

Unha lectora sacou a colación a obra clásica da Odisea, que sen dúbida é unha obra de viaxes, na que Ulises (Odiseo) deberá mostrar toda a súa astucia e intelixencia para voltar a casa tras enfadar aos deuses. Esta obra é primordial na nosa cultura occidental xa que da lugar a múltiples recreacións da historia, dende películas, cancións, ate obras literarias, entre as que destaca o Ulises de James Joyce.

Delicioso suicidio en grupo

2008-01-13T13:57:00.000Z

Nesta obra do recoñecido escritor finlandés Arto Paasilinna, mostra con humor unha problemática social nos países nórdicos: a alta incidencia de suicidios.
Se desexas ler outros títulos do autor, xa están traducidos El molinero aullador e El año de la liebre.

Todos los puertos se llaman Helena

2008-01-13T13:53:00.000Z

Unha familia recorre nunha barcaza os ríos europeos...
Tes versión en galego, publicada por Xerais, na colección Fóra de xogo.

A expedición do Pacífico

2008-01-13T13:51:00.000Z

Unha obra indiscutible de viaxes, onde unha rapaza contará a súa experiencia como membro da expedición científica que durante dous anos recorre as costas americanas...